اني الي احبك انته بس حبيت
وليهسه ابد مافهمت طبعك
مره تكلي احبك والك اشتاكيت
مره تكلي روح والله ليرجعك
ياما جرحت كلبي وحبك ابد مانسيت
ومانزلت من عينك ولادمعه
ايدك عالجرح بس حطيت
نسه كلبي الجرح الجان ديوجعه
لومره تكلي غيرك اني هويت
اكل روح واني ماامنعك
موترجعلي ندمان تكول الك حنيت
ومن كد الندم تعض اصبعك
من هاي السوالف مو بس انه مليت
طلعت روحي وكلبك ماغير بطبعه
مارضيتك اني شماسويت
وكلبي منين اجيب الي يقنعه
ولك وياك اني حيرة احتاريت
اذا احجي متسمعني واني اسكت واسمعك
اخذت روحي وكلبي كلشي مابقيت
بس كلي منو غيري حبيبي الي يجرعك
اني باصعب ظروفك عنك ماتخليت
وانته كلشي يصير تبيعني بسرعه
وياك اضل للموت انه اتمنيت
وكلبي اوفي وياه ومايوم اخدعه
ليست هناك تعليقات:
إرسال تعليق
ارجو اضافة تعليق رئيكم يهمني
(((اتقو الله في ماتقولون وتكتبون )))