خسرتك واني ادري انتهه الموضوع ♥ واعرف تره امأيس من جيتك اني
بعده كلبي عايش منتهي وموجوع ♥ وكلبك انته مرتاح كلي شكد اناني
مافكرت من تروح بيه اني شيصير ♥ العفو اعرف اني ماهمك لو مهما اعاني
احس طالت رحلتك وسنين البعد ♥ صار وانته سنينه عندك ثواني
يلوموني ويكولون مو صح اختيارك ♥ واكلهم لا حبيته وانكر هو نساني
يكولولي تعرفه زين مايريدك مايحبك ♥ اكلهم لا روحه وكلبه اني
ومرات بصفنتي اندم على كل يوم ♥ بيه انتظرتك واكول ماادري شجاني
مو بيدي حبيبي من محبتك ♥ نسيت الدنيه كله ونسيت اهلي ومكاني
رغم كل العيوب البيك اانا ♥ انطيتك محبتي وكل حناني
بس ماقدرت تعبي التعبته ♥ عجيبة اني وكبريائي دمرني زماني
ذليت الكلب واترجيته ينسه ♥ كتله لاتفكر بيه الراح ومااجاني
بس كلبي عنيد مايسمع كلامي ♥ ظل ينتظرك وانه ظليت اتاني
يمتة يجوز كلبي عن محبتك ♥ ويمتة ينتهي فصلي وابدا بفصل ثاني
فصل مابيه حزن مابيه عشك وجروح ♥ لان ذاب الكلب خليه يرتاح ومو يبقى يعاني
فصل تنحرك بيه كل ذكرياتي ♥ ورماد تصير اشعاري والاغاني
حتى انساك لازم تدري شيصير ♥ اشيل الكلب بيدي واسويلي كلب ثاني
كلب مايعرف الحب ولاعنده مشاعر ♥ حته ارجع اشوف بعيني لان حبك عماني
